Nazir həndbolçularımızın qələbəsinə şahidlik etdi - FOTOLAR

Mingəçevirin qadınlardan ibarət “Kür” həndbol komandası EHF Avropa Kubokunun seçmə mərhələsində cavab oyununda Kiprin APOEL klubu ilə qarşılaşıb.

Sportify.az xəbər verir ki, “Kür” Olimpiya Tədris-İdman Mərkəzində keçirilən görüş Azərbaycan təmsilçisinin 39:13 hesablı qələbəsi ilə başa çatıb.

Daha əvvəl təşkil olunmuş ilk oyunda “Kür” 40:18 hesabı ilə qalib gəlib. Beləliklə, hər iki oyunda inamlı qələbə qazanan Mingəçevir həndbolçuları 3-cü mərhələyə vəsiqə qazanıblar.

Qeyd edək ki, qarşılaşmanı gənclər və idman naziri Fərid Qayıbov da izləyib. O, görüşün ardından komandanı təbrik edərək, həndbolçularla xatirə şəkli çəkdirib.