Stolüstü tennisçilər Polşaya yollandılar

Azərbaycanın stolüstü tennis üzrə seçmə komandası növbəti beynəlxalq təlim-məşq toplanışında iştirak etmək üçün Polşaya yollanıb.

Sportify.az xəbər verir ki, oktyabrın 18-dən etibarən Polşanın Zeleno Qura şəhərində keçiriləcək hazırlıq prosesinə milli komandanın baş məşqçisi Mixail Timofeyev rəhbərlik edəcək.

Toplanışda Rüstəm Hacılı, Adil Əhmədzadə, Onur Quluzadə, Ləman Abdulhəmidova, Zemfira Mikayılova, Mərziyyə Nurmətova və Aylin Əsgərova iştirak edəcəklər.

Təlim-məşq toplanışının əsas məqsədi idmançıların qarşıdakı beynəlxalq yarışlara hazırlıq səviyyəsini yüksəltmək və yarışlara optimal formada qatılmalarını təmin etməkdir.