Avropa çempionatı: Daha 5 boksçumuz 1/4 finalda 

Monteneqronun Budva şəhərində U-17 Avropa çempionatının dördüncü günündə Azərbaycan millisinin daha 5 boksçus adını 1/4 finala yazdırıb.

Sportnet.az xəbər verir ki, Həsrət Məmmədov (46 kq) Camal Dustiyevlə (Rusiya) gücünü yoxlayıb və 5:0 (30:27, 29:28, 29:28, 29:28, 30:27) hesabı ilə qələbə qazanıb.

O, 1/4 finalda Kristian Mezes (Slovakiya) ilə döyüşəcək.

Qardaş Rəhimov (54 kq) Şon Kellini (İrlandiya) məğlub edib – 3:2 (28:29, 28:29, 29:28, 29:28, 29:28). Rəhimov 1/4 finalda Mikita Beskaravainy (Belarus) ilə üz-üzə gələcək.

Əli Abaslı (60 kq) Zeki Uğurdan (Türkiyə) güclü olub. Hər 3 raundu xeyrinə bitirən milli üzvü yekunda 5:0 (30:27, 30:27, 30:27, 30:27, 29:28) hesabı ilə qələbə qazanıb. Abaslı 1/4 finalda Aleksandru-Ahile Buhanuyukla (Moldova) döyüşəcək.

Yusif Həsənli (66 kq) Lukas Fulanoviçi (Xorvatiya) mübarizədən kənarlaşdırıb – 5:0 (30:27, 30:27, 30:27, 29:28, 30:27). O, növbəti görüşündə Raul Barone (İtaliya) ilə münasibətinə aydınlıq gətirəcək.

Hidayət Məmmədov (70 kq) isə Joel Şutsa (İsveçrə) qalib gəlib – 5:0 (30:27, 30:27, 30:27, 30:27, 30:27). Məmmədov 1/4 finalda Sandro Tsimtsba (Rusiya) ilə qarşılaşacaq.

Bu boksçular 1/4 döyüşlərinə oktyabrın 8-də çıxacaqlar.

Qeyd edək ki, daha öncə millinin daha 6 idmançısı adını 1/4 finala yazdırıb, daha 3 boksçu isə 1/8 final döyüşünə çıxacaq.