Fonsekanın 10-cu klubu "Sportinq" oldu

Portuqaliyalı mütəxəssis Paulu Fonseka Lissabonun “Sportinq” klubunun yeni baş məşqçisi təyin olunub.

Sportify.az xəbər verir ki, bu barədə klubun mətbuat xidməti məlumat yayıb. 53 yaşlı mütəxəssislə 2030-cu ilin yayına qədər müqavilə imzalanıb.

Qeyd edək ki, noyabrın 4-də “Lion” klubu rəsmi saytında Fonsekanın baş məşqçi vəzifəsindən ayrıldığını açıqlamışdı. Məlumata görə, portuqaliyalı mütəxəssisin müqaviləsinə vaxtından əvvəl xitam verilməsi ilə əlaqədar “Sportinq” Fransa klubuna 5 milyon avro təzminat ödəyəcək.

Lissabon təmsilçisinin əvvəlki baş məşqçisi Rui Borjes də vəzifəsini tərk edib. Fonsekanın yeni komandasında debütünün noyabrın 7-də Portuqaliya çempionatının 11-ci turunda “Moreyrense”yə qarşı keçiriləcək ev oyununda baş tutacağı gözlənilir.

53 yaşlı mütəxəssis karyerası ərzində “Milan”, “Lill”, “Roma”, “Şaxtyor”, “Braqa”, “Portu”, “Paşuş Ferreyra” və “Aves” kimi klublara da rəhbərlik edib.