Bakı mundialında tarixi qərar: İlk dəfə 3 cüdoçu ilə!

Bakıda keçiriləcək cüdo üzrə dünya çempionatında bir ilk yaşanacaq.

Sportify.az xəbər verir ki, Azərbaycan millisi bəzi çəki dərəcələrində 3 cüdoçu ilə təmsil olunacaq.

Müvafiq razılıq Beynəlxalq Cüdo Federasiyasından (IJF) alınıb.

Halbuki əvvəllər həm kişilər, həm də qadınların mübarizəsində 7 çəkidə maksimum 9, daha dəqiqi, bu çəkilərin 2-də maksimum 2 cüdoçunun iştirakına icazə verilirdi.

Bakıdakı mundialda isə tarixdə ilk dəfə bəzi çəkilərdə 3 cüdoçunun çıxış etməsi mümkün olacaq.

Beləliklə, 66 kq-da Ruslan Paşayev, Turan Bayramov və Nizami İmranov, 81 kq-da Zelim Tçkayev, Ömər Rəcəbli və Vüsal Qələndərzadə, 90 kq-da Murad Fətiyev, Elcan Hacıyev və Süleyman Şükürov, 100 kq-dan yuxarı çəkidə isə Uşanqi Kokauri, Kənan Nəsibov və Camal Qamzatxanov sifariş olunublar.

Qeyd edək ki, dünya çempionatı 4 – 11 oktyabrda Milli Gimnastika Arenasında keçiriləcək.