Maurisio Poçettino “Mançester Yunayted”in baş məşqçisi ola bilər

ABŞ millisinin baş məşqçisi Maurisio Poçettino yaxın vaxtlarda “Mançester Yunayted”ə rəhbərlik edə bilər.

Sportify.az xəbər verir ki, bu barədə “The Times” nəşri məlumat yayıb.

Mənbənin məlumatına görə, 54 yaşlı argentinalı mütəxəssis Maykl Kerriki əvəzləmək üçün əsas namizəd hesab olunur. Kerrikin yaxın vaxtlarda “Mançester Yunayted”in baş məşqçisi postundan ayrılması gözlənilir.

Premyer Liqanın 10 turundan sonra “Mançester Yunayted” 8 xalla turnir cədvəlinin 18-ci pilləsində qərarlaşıb və aşağı liqaya düşmə zonasındadır. Komanda cari mövsümdə keçirdiyi 10 oyunda cəmi bir qələbə qazanıb.

Qeyd edək ki, Maurisio Poçettino 2024-cü ilin sentyabrından ABŞ millisini çalışdırır. O, daha əvvəl “Çelsi”, PSJ, “Tottenhem”, “Sauthempton” və “Espanyol” klublarında baş məşqçi vəzifəsində işləyib.

Poçettinonun rəhbərliyi altında ABŞ millisi 2026-cı ildə evdə keçirilən dünya çempionatının pley-off mərhələsinə yüksəlib. Amerikalılar 1/8 finalda Belçikaya 1:4 hesabı ilə uduzaraq mübarizəni dayandırıblar.